sFr.                     Euro

zB. Exlibris         zB. Amazon

Uf irer aabetürleche Reis ume Thunersee begägne Schnudi u Mudi wundersame Gstalte. Aber wi sölle di zwöi Ching der wysse Frou im Stoubbach u em Burgfröilein vom Schloss Thun wider zu däm blaue Krischtall verhälfe, wo d Wasserjumpfere im See verlore het?

Wo di zwöi Ching Schnudi u Mudi mit irne Eltere zu re Velotour müesse ufbräche, isch es für si meh Fruscht als Luscht, wüll si sech bim Trappe müesse aastränge. Da wüsse si no nid, i weli Gfahre si bi irer Reis um e Thunersee grate u was für wundersami Gstalte si bi irem Aabetüür lehre kenne:

- e wyssi Frau im Stoubbach vo Luterbrunne, wo schwarzi Chiselsteine grännet;
- e Wasserjumpfere im Solbad ds Merlige, wo ire blau Krischtall verlore het;
- e rüpelhafte Zwärg im Räbbärg ds Oberhofe un
- es schuderhaft grännends Burgfröilein im Schloss Thun.

Da chunnt ändlech di trüebselegi Gschicht ads Tageslicht.
Aber wi sölle di zwöi Ching der wysse Frou un em Burgfröilein wider zu däm blaue Krischtall verhälfe, wo d Wasserjumpfere verlore het?
Chönne Schnudi u Mudi das jahrhundertealte Rätsel löse, der blau Krischtall ume finge une em Zwärg Holder ume zrüggbringe?

Es liebevoll illuschtrierts, berüehrends Märlibuech für Ching u Erwachsnegi.
Text: Ursula Gerber / Illustratione: Vera Ananda